Surah الطارق
Select reciter
Sindhi
Surah الطارق - Aya count 17
وَالسَّمَاءِ وَالطَّارِقِ ( 1 ) 
آسمان جو ۽ رات جي وقت ۾ ايندڙ جو قسم آھي.
وَمَا أَدْرَاكَ مَا الطَّارِقُ ( 2 )
۽ ڪنھن سمجھايئي ته رات جو ايندڙ ڇا آھي؟
النَّجْمُ الثَّاقِبُ ( 3 )
(اُھو) چمڪندڙ تارو آھي.
إِن كُلُّ نَفْسٍ لَّمَّا عَلَيْهَا حَافِظٌ ( 4 )
ته ڪو جيءُ اھڙو ڪونھي جنھن تي ھڪ نگھبان مقرر ٿيل (نه) آھي.
فَلْيَنظُرِ الْإِنسَانُ مِمَّ خُلِقَ ( 5 )
تنھنڪري ماڻھوءَ کي گھرجي ته نھاري ڏسي ته کيس ڇا مان بڻايو ويو آھي.
خُلِقَ مِن مَّاءٍ دَافِقٍ ( 6 )
ٽپي سان نڪرندڙ پاڻي مان بڻايو ويس.
يَخْرُجُ مِن بَيْنِ الصُّلْبِ وَالتَّرَائِبِ ( 7 )
جو پُٺيءَ ۽ اُرھ جي وچ مان نڪرندو آھي.
إِنَّهُ عَلَىٰ رَجْعِهِ لَقَادِرٌ ( 8 )
بيشڪ الله سندس وري موٽائڻ تي وس وارو آھي.
يَوْمَ تُبْلَى السَّرَائِرُ ( 9 )
جنھن ڏينھن (ماڻھن جي دلين جا) سڀ ڳُجھ جاچيا ويندا.
فَمَا لَهُ مِن قُوَّةٍ وَلَا نَاصِرٍ ( 10 )
پوءِ تنھن ڏينھن ڪانه اُن کي سگھ رھندي ۽ نڪو واھرو (ھوندس).
وَالسَّمَاءِ ذَاتِ الرَّجْعِ ( 11 )
۽ مينھن واري آسمان جو قسم آھي.
وَالْأَرْضِ ذَاتِ الصَّدْعِ ( 12 )
۽ ڦاٽن واريءَ زمين جو (به) قسم آھي.
إِنَّهُ لَقَوْلٌ فَصْلٌ ( 13 )
ته بيشڪ قرآن ھڪ فيصلو ڪندڙ ڳالھ آھي.
وَمَا هُوَ بِالْهَزْلِ ( 14 )
۽ ھيُ قرآن ڪا ٺـٺولي (جي ڳالھ) نه آھي.
إِنَّهُمْ يَكِيدُونَ كَيْدًا ( 15 )
بيشڪ ڪافر ھڪ (طرح جي) ڳجھي رٿ رٿين ٿا.
وَأَكِيدُ كَيْدًا ( 16 )
۽ (آءٌ به) ھڪ (طرح جي) رٿ رٿيان ٿو.
فَمَهِّلِ الْكَافِرِينَ أَمْهِلْهُمْ رُوَيْدًا ( 17 )
پوءِ ڪافرن کي ڍر ڏي ۽ ٿوري مُدت کين ڇڏي ڏي.