Surah البروج
Select reciter
Sindhi
Surah البروج - Aya count 22
وَالسَّمَاءِ ذَاتِ الْبُرُوجِ ( 1 ) 
بُرجن واري آسمان جو قسم آھي.
وَالْيَوْمِ الْمَوْعُودِ ( 2 )
۽ وعدي ڪيل ڏينھن جو قسم آھي.
وَشَاهِدٍ وَمَشْهُودٍ ( 3 )
۽ حاضر ٿيڻ واري ۽ جنھن وٽ حاضر ڪيو وڃي تنھن جو قسم آھي.
قُتِلَ أَصْحَابُ الْأُخْدُودِ ( 4 )
ته کاھين وارا ماريا وڃن.
النَّارِ ذَاتِ الْوَقُودِ ( 5 )
جا باھ گھڻي ٻَل واري ھئي.
إِذْ هُمْ عَلَيْهَا قُعُودٌ ( 6 )
جڏھن اُھي اُنھن باھ جي (کاھين) تي ويٺل ھوا.
وَهُمْ عَلَىٰ مَا يَفْعَلُونَ بِالْمُؤْمِنِينَ شُهُودٌ ( 7 )
۽ جيڪي اُنھن مسلمانن سان (ظلم) ٿي ڪيو تنھن کي روبرو ڏسڻ وارا ھوا.
وَمَا نَقَمُوا مِنْهُمْ إِلَّا أَن يُؤْمِنُوا بِاللَّهِ الْعَزِيزِ الْحَمِيدِ ( 8 )
۽ انھن ھن کانسواءِ (ٻيءَ) ڪنھن ڳالھ جو وير نه ٿي ورتو ته انھن اُنھيءَ غالب ساراھيل الله تي ايمان آندو ھو.
الَّذِي لَهُ مُلْكُ السَّمَاوَاتِ وَالْأَرْضِ ۚ وَاللَّهُ عَلَىٰ كُلِّ شَيْءٍ شَهِيدٌ ( 9 )
جنھن کي آسمانن ۽ زمين جي بادشاھي آھي، ۽ الله سڀ شيءَ جي خبر رکندڙ آھي.
إِنَّ الَّذِينَ فَتَنُوا الْمُؤْمِنِينَ وَالْمُؤْمِنَاتِ ثُمَّ لَمْ يَتُوبُوا فَلَهُمْ عَذَابُ جَهَنَّمَ وَلَهُمْ عَذَابُ الْحَرِيقِ ( 10 )
بيشڪ جن (ماڻھن) مؤمنن ۽ مؤمنياڻين کي ايذايو وري توبه نه ڪيائون تن لاءِ دوزخ جو عذاب آھي ۽ اُنھن لاءِ سڙڻ جو عذاب (به) آھي.
إِنَّ الَّذِينَ آمَنُوا وَعَمِلُوا الصَّالِحَاتِ لَهُمْ جَنَّاتٌ تَجْرِي مِن تَحْتِهَا الْأَنْهَارُ ۚ ذَٰلِكَ الْفَوْزُ الْكَبِيرُ ( 11 )
بيشڪ جن ايمان آندو ۽ چڱا ڪم ڪيا تن لاءِ اھڙا باغ آھن جن جي ھيٺان واھيون پيون وھن، اھا وڏي مراد ماڻڻ آھي.
إِنَّ بَطْشَ رَبِّكَ لَشَدِيدٌ ( 12 )
بيشڪ تنھنجي پالڻھار جي پڪڙ بلڪل سخت آھي.
إِنَّهُ هُوَ يُبْدِئُ وَيُعِيدُ ( 13 )
بيشڪ اُھو پھريون دفعو بڻائي ٿو ۽ وري ٻيھر موٽائيندو.
وَهُوَ الْغَفُورُ الْوَدُودُ ( 14 )
۽ اُھو بخشڻھار پيار رکندڙ آھي.
ذُو الْعَرْشِ الْمَجِيدُ ( 15 )
(جو) عرش جو مالڪ تمام وڏي شان وارو آھي.
فَعَّالٌ لِّمَا يُرِيدُ ( 16 )
جيڪي گھري سو ڪرڻ وارو ئي آھي.
هَلْ أَتَاكَ حَدِيثُ الْجُنُودِ ( 17 )
تو وٽ لشڪرن جي خبر (نه) آئي آھي ڇا؟
فِرْعَوْنَ وَثَمُودَ ( 18 )
(يعني) فرعون ۽ ثمود جي.
بَلِ الَّذِينَ كَفَرُوا فِي تَكْذِيبٍ ( 19 )
بلڪ ڪافر ڪوڙ ڀانئڻ ۾ (لڳا پيا) آھن.
وَاللَّهُ مِن وَرَائِهِم مُّحِيطٌ ( 20 )
۽ الله سندن چؤڦير گھيرو ڪندڙ آھي.
بَلْ هُوَ قُرْآنٌ مَّجِيدٌ ( 21 )
بلڪ ھي سڳورو قرآن آھي.
فِي لَوْحٍ مَّحْفُوظٍ ( 22 )
حفاظت ڪيل تختي ۾ لکيل آھي.