Surah Al-Humazah ( The Slanderer )
Select reciter
Татарча
Surah Al-Humazah ( The Slanderer ) - Aya count 9
وَيْلٌ لِّكُلِّ هُمَزَةٍ لُّمَزَةٍ ( 1 ) 
Үкенеч вә һәлакәтлектер һәрбер сүз йөртүче гайбәтчегә.
الَّذِي جَمَعَ مَالًا وَعَدَّدَهُ ( 2 )
Ул гайбәтче нинди юл белән булса да мал җыйды вә ул малны тиешле урынына бирмичә, саранлык белән яшереп саклады.
يَحْسَبُ أَنَّ مَالَهُ أَخْلَدَهُ ( 3 )
Тәхкыйк ул гайбәтче саран, малы аны дөньяда мәңге калдырыр дип уйлыйдыр.
كَلَّا ۖ لَيُنبَذَنَّ فِي الْحُطَمَةِ ( 4 )
Юк, үз башыңа бәла булган малына таянмасын, ул әлбәттә, җәһәннәм утына ыргытылыр.
وَمَا أَدْرَاكَ مَا الْحُطَمَةُ ( 5 )
Сиңа ул хөтамәне нәрсә белдерде?
نَارُ اللَّهِ الْمُوقَدَةُ ( 6 )
Ул Аллаһуның кыздырылган утыдыр.
الَّتِي تَطَّلِعُ عَلَى الْأَفْئِدَةِ ( 7 )
Ул ут йөрәккә төшәр, эчке әгъзаларны да көйдерер.
إِنَّهَا عَلَيْهِم مُّؤْصَدَةٌ ( 8 )
Тәхкыйк, ул ут аларга ишекләре бикләнеп мәхкәм (нык) кылынгандыр.
فِي عَمَدٍ مُّمَدَّدَةٍ ( 9 )
Уттан булган озын баганалар белән.